Psa 63 | VulgJ | STEP | in finem psalmus David victori canticum David

Psalms 63

1 in finem psalmus David ^va 2 exaudi Deus orationem meam cum deprecor a timore inimici eripe animam meam ^va 3 protexisti me a conventu malignantium a multitudine operantium iniquitatem ^va 4 quia exacuerunt ut gladium linguas suas intenderunt arcum rem amaram ^va 5 ut sagittent in occultis inmaculatum ^va 6 subito sagittabunt eum et non timebunt firmaverunt sibi sermonem nequam narraverunt ut absconderent laqueos dixerunt quis videbit eos ^va 7 scrutati sunt iniquitates defecerunt scrutantes scrutinio accedet homo et cor altum ^va 8 et exaltabitur Deus sagittae parvulorum factae sunt plagae eorum ^va 9 et infirmatae sunt contra eos linguae eorum conturbati sunt omnes qui videbant eos ^va 10 et timuit omnis homo et adnuntiaverunt opera Dei et facta eius intellexerunt ^va 11 laetabitur iustus in Domino et sperabit in eo et laudabuntur omnes recti corde

^va